استراجيتية بناء الجيوش ..

السلام عليكم ورحمة الله وبركاته ..

كيف الحال اخواني ..

اعزائي هذه افضل استراتجية لبناء الجيوش ..
الرجاء قرائتها من الاول للاخير ..
لانه كل هذا لمصلحتكم ..


في البداية :
في بعض الاشخاص يسألون عن عدد القرى الكافية

بصراحة ..
افضل عدد قرى هو 6 قرى..

بحيث تصير قريتين هجوميتين
ولاصق جمب كل قرية من الثنتين .. قريتين ثانية ..


وذلك لامدادهم بالموارد ولبناء جيوش الدفاع ..


لكن اغلبنا الان ثلاث قرى ... لذلك يفضل ان تكون قريتين دفاع والعاصمه هجوميه

طبعا من اهم الاشياء الي لازم تسويها :
1- الثكنة مستوى 20= تنفيذ الجنود اسرع
2- الاسطبل مستوى 20= تنفيذ خيول اسرع
3- السور مستوى 20= يزيد قوه الدفاع لجنودك
4- القصر او السكن 20= انتاج مستوطنين او حكيم.. لو احد اراد غزو قريتك ليحتلها سوف يصعب تدمير السكن او القصر لحتلال القريه

بيسأل شخص ليه ماتبني جيوش الدفاع في القرى الهجومية ..
انا اجاوبه اقوله :

القرية الهجومية بتضطر بناء اشياء زيادة ..
منها الحداد وساحة البطولات و ايضا المخازن الاضافية
وايضا عند الهجوم في دفعه واحده تجيك نتائج افضل من ان تهجم من قريتين

مثال لو هجمت من احد القرى 100 جندي مهاجم راح تكون قوتك الهجوم افضل من انك تهجم ب50 جندي مهاجم من قريتين
الحداد عند المستوى عشرين يعطيك قوه مضاعفه في الهجوم يعني لو هجمت ب 4000 جندي مهاجم والحداد مستوى 20
كانك هاجم في 8000 جندي مهاجم
..
القريه الدفاعيه
فانت تسوي جيوش الدفاع في القريتين ..
قرية تبني جيش دفاع مشاة
والقرية الثانية تبني جيش دفاع فرسان ..

ولازم تنبني مستودع الاسلحه لانه نفس وضيفه الحداد لكن هالمره قوه الدفااااااع تكون ضعف حاول انك ترفعه مستوى 20


.
.

بناء الجيوش المهاجمين :

ياجماعة الجندي الاول وابوهراوة هذولي مالهم اي فايدة
اول شي ضعيفين بالهجوم وابوه هرواره ما فيه دفاع مره مره مره يعني نكبه
ابو هرواره زين اول ما تبدى اللعبه ما يكلف وحق نهب لكن بالمستقبل هو يصير عندك زي العاهه

مع ملاحظه ان الجندي اول جيد في الدفاع ضد الفرسان لكن هجومي بالكاد يكون سيئ
يعني مثلا

ابوهراوة ياخذ قمحة وحدة وايضا ابو فاس ياخذ فمحة وحدة ..

واحد عنده 2000 ابو هراوة و 2000 ابو فاس
وواحد عنده 4000 ابو فاس

نفس عدد القمح المأخوذ
لكن فرق في القوة .. وفرق شاسع
فالي راح يبني جيوش الهجوم المشاة يختار اقوى مشاة ..
كذا توفر القمح .. وتزيد القوة ..

بالنسبة للاغريق .. الجندي المشاه المهاجم هو المبارز ...



بالنسبة للفرسان عند الرومان ..
اشوف ان بناء سلاح الفرسان بعدد كبير افضل من بناء فرسان القيصر ..
وذلك
انك بتوفر اول شي قمح .. ثانيا ثمن مقاتل القيصر غالي ..

تقدر تبني سلاح فرسان ضعف عدد فرسان القيصر ..
وتكون زايد بالقوة وافضل بالقمح ..



بالنسبة للجيرمان .. مالهم الا المقاتل الجيرماني


بالنسبة للاغريق ..

نفس الشي الي قلته بالرومان

رعد الجيرمان افضل لو تسوي كميات كبيرة عن الهيدواينر
ولنفس اسباب الي قلتها للرومان ..



المقاليع :افضل شي انك تبني المقاليع
فقط في العاصمة او القرية القمحية
لان المقاليع تاخذ قمح ..
والعاصمة تقدر تغطي النقص لانك تقدر توصل لمراحل متقدمة بالقمح
فكذا توفر في القرية الثانية الهجومية توفر قمح لبناء الجيوش
وتكون القرية الثانية هي القرية الي تضرب بها بالبداية عشان تصفي جيوش الدفاع في القرية الي بتهجم عليها
وبعدين تجي هجمة المقاليع ..




بالنسبة للدفاع قلت لكم ..
قرية تسوي فيها دفاع فرسان وقرية تسوي فيها دفاع مشاة

والي عنده اقل من 6 قرى
يخلي دائما القرى الدفاعيه ضعف الهجوميه

4 دفاع 2 هجوم
2دفاع 1 هجوم
لانك لو ما امنت دفاعك بنفسك فالقوه الهجوميه ما لها اي قيمه وتكون قريتك مخزن موارد للي رايح والي جاي

حاول انك ماتبني الدفاع في القرية الهجومية ..



.
.
.



ادري اني اطلت بالشرح
ولكن ذلك اولا لمصلحة التحالف
ثانيا لمصلحتك الشخصية

يعطيك العافيه على الشرح الكافي والمفيد

وإن شاء الله الكل يستفيد من هالنقطه

يعطيك العافيه اخوي على هالكلام الجميل
لكن للمعلوميه بما ان السيرفر 4 يعتبر لم يصل الى نصف المشوار
لان كل سيرفر مدته سنه واحده فقط

يعني المستويات ال20 صعب توصل لها في الوقت الحالي
وخاصه مع المشاكل في هذا السيرفر الي بتسير كل يوم وجيوش بالالف تروح



لكن يفرجها ربك ومن احسن لاحسن انشاء الله


وبالتوفيق يا اهل الاختبارات كلأً بتخصصه وكلاً بمدرسته

مشكور أخوي على النصائح القيمة .........

لكن ودي أضيف وجهة نظري في عدة أمور ذكرتها ......

أولا : أفضل ان كل شخص يجعل قرية واحدة هجومية وتكون طبعا قمحية وعاصمة بنفس الوقت ... , طبعا القرية القمحية (أعني 15 حقل قمح) بتعطيك انتاجية 7500 قمح لما ترفع الحقول لمستوى عشرة .. لكن في المراحل المتقدمة من اللعبة 7000 جندي ما يأكلوا عيش في اللعبة ..لذا لازم من جعلها عاصمة ,أيضا بعد ما ترفع الحقول لمستوى 17 ( تحتاج 5 مخازن حبوب) بتعطيك انتاجية قرابة 22000 .. ايضا هذي الانتاجية غير كافية لضمان جيش قوي لا يهزم ... فالحل الوحيد هنا انك تعزز جنودك اللي في فريتك الهحومية للقرى القمحية الثانية التي تملكها وتستمر بانتاج جيوشك بقريتك الهجومية ... واذا بغيت تهجم على أحد رجع كل الجنود اللي معززهم واهجم فيهم .

ثانيا : انا أفضل ان الجيش يتكون من مشاة وفرسان . طبعا تختار نوع واحد من المشاة ( جندي مهاجم , مبارز , أبو فأس) ونوع واحد من الفرسان ( قيصر , هيدوانر , فرسان الجرمان). نسبة المشاة للفرسان تكون 5مشاة مقابلهم1فارس (يعني اذاعندك 5000 مشاة لازم يدعمهم 1000 فارس)

أدري ان الموضوع مرة بدري عليه لكن حبيت أعطيكم بع من تجربتي بالسيرفر الأول

اثريتم الموووضع بمعلومات قميه جدا فعلا كلام الاخوان انه لسى بدري على بعض الامور الي طلبتها

ولكن لازم الاعب من الان ينظم ويحدد استراجيجته في تنظيم القرى وان يهتم في الدفاع قبل الهجوم


واشكر مداخلتك اخوي AZIZ كلامك سليم ويدل على خبرتك القويه

وان شالله الكل يستفيد من الهموضوووع

ومنكم نستفيد....ثااانكيو ميرس

تسلم يالغاليعلى الموضوع الرووووووعه

الله ياااعافيك نورتو الموضوع بمشاركتكم

واحب انبه الاعبين انه ما زال في بدايه الطريق


ولازم يرسم من الان تكتيكه في اللعبه هذا شي مهم يا اخون

يدور له قريه قمحيه توزيع القرى على حسب احتياجه مثلا ياخذ وحده طينيه في البدايه لان الطين اكثر شي

مطلوب في تطوير المباني التحتيه والحقول


ويختار له خشب مثلا اذا هو جرماني لان الخشب يستهلك بقوه
او حديد اذا هو روماني وهكذا

لانه بتريحه في بناء الجيوووووش لانه فيها حقل اضافي بيكون هو اعلى انتاج لك وبيسهل عليك التطوير


والله الموووفق واذا احد فيه شي يبي يسئله انا اقدر اساعده ما راح اقصر معه ولا انسى انه يوجد نخبه من الاعضاء لهم تجربه ممتازه ويفدون الجميع ان شالله